مایکل ئۆین یه‌که‌م گۆڵی بۆ یانه‌ی مان.یونایتد کرد و بردنه‌وه‌ی بۆ یانه‌که‌ی ده‌سته‌به‌ر کرد به‌سه‌ر ئه‌ستێره‌ی مالیسیا

خاوه‌نی نوێی ژماره‌ 7ی یانه‌ شه‌یتانه‌ سووره‌کان مایکل ئۆین یانه‌که‌ی له‌ یه‌که‌م یاری دۆستانه‌دا له‌ به‌رامبه‌ربوون رزگارکرد پاش تۆمارکردنی گۆڵێک له‌ خوله‌کی 85 . وه‌ یاریه‌که‌ کۆتایهات به‌ سه‌رکه‌وتنی یانه‌ی مان یونایتد به‌ ئه‌نجامی (3_2) به‌سه‌ر ئه‌ستێره‌ی خولی مالیسیا.
سه‌ره‌تا فێرگسۆن ئه‌م یاریزانانه‌ی برده‌ ناو یاریگا: ڤان دێر سار ، ئێڤرا ،ئیڤانێز ،فێردیناند ،ئۆشییه‌ ،جیبسۆن ،سکولز ،ئه‌ندێرسۆن ،نانی ،رۆنی ،بێرباتۆف.
گۆڵه‌کانی یانه‌ مانجیسته‌ر: گۆلی یه‌که‌م یاریزان رۆنی له‌ خوله‌کی 8، وه‌ گۆلی دووه‌م یاریزان نانی له‌ خوله‌کی28 به‌ڵام یاریزانی مالیزی ئه‌میر کانت به‌سوود وه‌رگرتن له‌ هه‌ڵه‌ی هه‌ردوو گۆلجییه‌کان دوو گۆڵی بۆ یانه‌که‌ی تۆمارکرد یه‌که‌م گۆل له‌ خوله‌کی 45 له‌ ڤان دێر سار وه‌ له‌ خوله‌کی 52 له‌ فۆسته‌ر ،به‌ڵام دوای هێنانه‌ناوی یاریزان ئۆین له‌ جێی بێرباتۆف له‌ خوله‌کی 85 گۆڵێکی بۆ یه‌نه‌که‌ی تۆمارکردوو یه‌که‌م بردنه‌وه‌ی بۆ یانه‌که‌ی ده‌سته‌به‌رکرد